Esgidiau Newydd – Ailgymysgiad o un o ganeuon Yr Eira

Mae Naughton wedi dewis trywydd dawns i’r ailgymysgiad, gan chwarae gydag ambell elfen o’r gân wreiddiol yn unig; y llinell “llusgo, llusgo, er fy mod i’n gwisgo, gwisgo”, y llinell fas a’r middle 8. Mae hyn yn tynnu’n sylw fwyfwy at thema’r gân fod esgidiau newydd yn ryw fath o symbol o’r daith y mae rhywun yn ei ddilyn trwy fywyd. Ni’n hunain sydd yn creu ein ffawd a’n llwybr, er bod y llwybr hwnnw’n gallu bod yn un digon unig ar brydiau.